Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 05. júlí 2022 20:43
Brynjar Ingi Erluson
Leikmaður Malmö um Kristal - „Ógeðslega heimskulegt og hann skildi liðið eftir í skítnum"
Dennis Hadzikadunic
Dennis Hadzikadunic
Mynd: Getty Images
Mynd: Fótbolti.net - Hafliði Breiðfjörð
Dennis Hadzikadunic, leikmaður Malmö, var ekkert sérstaklega hrifinn af uppátæki Kristals Mána Ingasonar í fyrri hálfleiknum er hann fékk rauða spjaldið fyrir fagnaðarlæti sín, en hann segir að hann hafi brugðist liðsfélögum sínum.

Lestu um leikinn: Malmö 3 -  2 Víkingur R.

Kristall var líflegur í liði Víkinga en leikmenn sænska liðsins spörkuðu hann ítrekað niður og ætluðu ekki að leyfa honum að njóta þess að vera með boltann.

Víkingurinn fékk gula spjaldið fyrir meinta dýfu í fyrri hálfleiknum áður en hann jafnaði metin á 38. mínútu með skoti af stuttu færi eftir sendingu Pablo Punyed.

Hann fagnaði svo með því að 'sussa' á stuðningsmenn Malmö og uppskar sitt annað gula spjald og Víkingar því manni færri.

Hazkiadunic var ekki skemmt yfir þessu uppátæki Kristals.

„Ég fattaði ekki einu sinni hvað var í gangi og hvað hafði gerst, en staðreyndin er sú að þetta var ógeðslega heimskulegt og skildi liðið eftir í skítnum," sagði varnarmaðurinn öflugi við Expressen.

Sjá einnig:
Kristall Máni: Þetta var heimskulegt og ég vissi ekki að ég gæti fengið spjald fyrir þetta
Arnar Gunnlaugs: Get ekki verið reiður út í Kristal
Toivonen - „Held að hann kunni ekki reglurnar"
Athugasemdir
banner
banner
banner
banner