Bandaríkin tóku bronsið á Ólympíuleikunum eftir sigur á Ástralíu í miklum markaleik.

Megan Rapinoe og Carli Lloyd skoruðu báðar tvennu fyrir Bandaríkin sem komust í 1-4 á 51. mínútu leiksins. Rapinoe kom þeim amerísku yfir á 8. mínútu og aftur á 21. mínútu eftir að Samantha Kerr jafnaði leikinn.

Eftir það tók Lloyd við og skoraði í uppbótartíma fyrri hálfleiks og í upphafi seinni hálfleiks. Það voru svo þær Caitlin Foord og Emily Gielnik sem skoruðu fyrir Ástralíu í seinni hálfleiknum, þriðja markið kom á lokamínútu leiksins.

Bandaríkin töpuðu gegn Kanada í undanúrslitunum og mætir Kanada liði Svíþjóðar í úrslitaleiknum í nótt.