Sverrir hefur bankað á dyrnar á byrjunarliðinu undanfarið en hann fékk tækifærið við hliðina á Ragnari Sigurðssyni í lokaleiknum á HM gegn Króatíu.

„Það er eitthvað sem verður að koma í ljós,“ sagði Sverrir í viðtali við Vísi aðspurður hvort hann byrji um helgina.

„Ég hef verið að koma meira og meira inn í þetta upp á síðkastið og vonandi fer tækifærunum fjölgandi á næstu árum. Ég verð bara klár ef þjálfarinn vill spila mér á laugardaginn."

Íslenska landsliðið er í æfingabúðum í Austurríki þessa dagana en liðið fer síðan til St. Gallen í Sviss þar sem leikurinn hefst klukkan 16:00 að íslenskum tíma á laugardaginn.