Víkingsvöllur er heimavöllur U21 út árið
Íslenska U21-landsliðið er að hefja nýja undankeppni fyrir EM með tveimur heimaleikjum; gegn Lúxemborg klukkan 17 á morgun föstudag og svo gegn Armeníu á mánudag.
Báðir leikir verða á Víkingsvelli í Fossvogi en sá völlur hefur verið gerður að heimavelli U21 landsliðsins.
Báðir leikir verða á Víkingsvelli í Fossvogi en sá völlur hefur verið gerður að heimavelli U21 landsliðsins.
„Þetta verður okkar heimavöllur, allavega út 2019. Svo verður það endurskoðað eftir þessa þrjá heimaleiki sem við eigum á árinu. Þegar ég og Eiður Smári tókum við þessu þá vildum við fá meiri heimavallartilfinningu og að strákarnir viti hvert þeir eru að koma," segir Arnar.
„Það hefur verið að ráfa um með U21 landsliðið en við vildum binda okkur við einn stað. Það var fljótt litið á gervigrasvelli enda er mjög erfitt að fá allar æfingar á grasvöllum, sama hvort það sé hjá KR, FH, ÍA eða hvar sem er."
„Þetta varð fyrir valinu og við erum rosalega ánægðir með það. Vonandi gefur þetta okkur 2-3% extra."
Hver er markmið U21 liðsins í þessum riðli?
„Okkar helsta markmið er að búa til A-landsliðsmenn en til að búa þá til þá verðum við að ná árangri. Það byrjar strax í yngri landsliðum. Það er mikilvægt skref að komast í lokakeppni eins og við sjáum með A-landsliðið í dag," segir Arnar.
„Við stefnum á að komast sem lengst og trúum því að við getum sett pressu á stóru liðin í þessum riðli. Við erum með Ítalíu og Svíþjóð í riðli og svo koma Írland og við, myndi maður halda."
Sjáðu viðtalið í heild sinni í sjónvarpinu hér að ofan.
Athugasemdir