Luca Lúkas Kostic þjálfari Hauka gat ekki verið annað en sáttur með sína leikmenn eftir þeirra framistöðu í kvöld.

„Þetta var erfitt fyrir bæði lið, bæði lið börðust við skoruðum ekki þeir, fyrir mér er þetta munur. Ég get ekki sagt að við höfum spilað sambabolta en við lögðum allt í leikinn."

Luca saðgi um daginn að hann myndi ekki þjálfa meistaraflokk Hauka eftir þessa leiktíð og var spurður hvort honum hefði snúist hugur eftir sigur kvöldsins.

„Það er alltaf dásamlegt að vinna leik, en nei ég er ekki að spá lengra en í næsta leik sem er gegn Keflavík. En ég verð að hósa leikmönnunum sem lögðu allt í þennan leik."

Haukar hafa ekki gulltryggt sér sæti í Inkasso deildinni á næstu leiktíð en eru þó komnir langt með það.

„Það eru sex stig í pottinum og í fótbolta þá veistu aldrei hvað getur gerst og við erum bara í svipaðri getu eins og liðin í kringum okkur."

Haukar mæta Keflavík í næstu umferð og geta Haukar tryggt sér sæti í deildinni á næstu leiktíð í þeim leik.