„Það er búið að ganga mjög vel hjá mér persónulega og ekki yfir neinu að kvarta," sagði Ögmundur Kristinsson, markvörður Larissa og íslenska landsliðsins, fyrir æfingu í vikunni.
Ögmundur er á sínu öðru tímabili í Grikklandi en stuðningsmenn þar í landi sýna mikla ástríðu á pöllunum.
„Það eru alltaf læti, menn eru blóðheitir þarna. Það er gaman að menn sýni ástríðu og það er lítið mál að mótivera sig í þetta."
Ögmundur hefur mátt sætta sig við að sitja á bekknum hjá landsliðinu undanfarin ár.
„Ég kem alltaf hingað til að spila. Svo er undir þjálfaranum að koma að ákveða hver spilar. Maður styður þann sem spilar þegar þar að kemur."
Hannes Þór Halldórsson hefur verið aðalmarkvörður landsliðsins undanfarin ár en hann hefur ekki náð að sýna sínar bestu hliðar með Val í Pepsi Max-deildinni í sumar.
„Þekkjandi Hannes þá veit ég að hann hristir allt af sér. Það er undir okkur hinum komið að standa okkur vel og pressa á hann. Hann spilaði vel síðast og við sjáum hvað gerist."
Hér að ofan má sjá viðtalið í heild sinni.
Athugasemdir