„Ég fékk þessa spurningu líka þegar ég valdi hann í síðasta hóp," sagði Hamren.

„Að mínu mati er hann mjög góður leikmaður. Hann er með frábæra tölfræði með íslenska landsliðinu og hefur spilað mjög vel fyrir Ísland."

„Hann var meiddur en nú er hann það ekki lengur, hann er klár í slaginn þó hann sé í vandamálum hjá félagsliði sínu og er í frystikistunni. Hann er tilbúinn að spila og þegar hann er heill er ég viss um að hann geti nýst okkur mjög vel."

„Hann getur staðið sig vel fyrir okkur þó hann sé ekki að spila með sínu félagsliði. Við teljum líka að hann geti mögulega hjálpað okkur í undankeppni EM," sagði Hamren.

Í dag var opinberaður landsliðshópur Íslands fyrir komandi leiki gegn Frakklandi og Sviss og má sjá hann með því að smella hérna. Jóhann Berg Guðmundsson og Alfreð Finnbogason snúa aftur en þeir voru meiddir þegar síðasti hópur var valinn.

„Ég er mjög ánægður með að Jóhann og Alfreð séu komnir aftur. Þetta eru tveir gæðaleikmenn fyrir okkur," sagði Hamren.

Jón Daði Böðvarsson og Björn Bergmann Sigurðarson eru meiddir og voru ekki valdir í hópinn.

„Jón Daði meiddist í upphitun fyrir síðasta leik hjá Reading en ég veit ekki hversu lengi hann verður frá."