Síðdegisleik ensku úrvalsdeildarinnar er nú ný lokið, þar mættust West Ham og Crystal Palace.

Fyrri hálfleikur reyndist markalaus en það var heldur meira fjör í seinni hálfleik.

Sebastian Haller sem kom til West Ham í sumar kom boltanum í netið á 54. mínútu og skoraði þar með fjórða deildarmark sitt á tímabilinu, heimamenn komnir með forystuna.

Tæpum 10 mínútum síðar var dæmd vítaspyrna þegar Declan Rice fékk boltann í höndina, Patrick van Aanholt fór á punktinn og skoraði af miklu öryggi.

Á 87 mínútu skoraði Jordan Ayew en markið var dæmt af vegna rangstöðu, eftir að markið var skoðað í VAR kom hins vegar í ljós að markið var löglegt og það var því Crystal Palace sem tók stigin þrjú í þessum Lundúnaslag.

Með sigrinum fer Crystal Palace í 4. sætið og er nú með 14 stig, West Ham er hins vegar í 7. sæti með 12 stig.