Solskjær stefnir á fyrsta sigur Man Utd á útivelli á tímabilinu, hann telur að sigur á morgun geti haft mikið að segja fyrir framhaldið.

„Auðvitað er stemningin ekki eins góð þegar við erum ekki að vinna leiki, ég set hjarta, líf og sál í þetta starf," sagði Solskjær í samtali við Sky Sports.

„Fyrir okkur er mikilvægt að ná í sigur gegn Newcastle, ég held að það muni breyta stemningunni mikið í kringum liðið. Strákarnir geta þá farið inn í landsleikjahléið ánægðir og komið hressari til baka.

Flautað verður til leiks í viðureign Newcastle og Manchester United klukkan 15:30 á morgun.