Fótbolti.net

Berglind tekur ákvörðun á næstu vikum - „Það er bara fifty-fifty"

Hefði verið mjög erfitt að hafna Betu - „Langar að vinna sænsku deildina"

„Sagði þá að ég myndi alltaf koma aftur í þjálfun á réttum tímapunkti"

Vill vinna titla í Garðabæ - „Eftir þessar samræður tók ég þessa erfiðu ákvörðun"

Sindri talar mjög opinskátt um stöðuna í Keflavík: Tel það vera peningavandamál sem er mjög súrt

Birgir Baldvins: Erfitt að segja nei við einn stærsta klúbb á Íslandi

Loksins kominn á góðan stað - „Búið að reyna hrikalega á andlega"

Fékk gott spark í rassinn á lærdómsríku tímabili - „Ótrúlega góð viðurkenning"

Venni vildi vera skipstjórinn - „Ég á nógan tíma"

Heimir: Man ekki eftir því að ég hafi lent í þessu áður

Davíð: Sameiginleg ákvörðun með Eiði að halda samstarfi ekki áfram

Stolt og sátt með endurkomuna - „Ein besta ráðning sem Þór/KA gat gert"

„Veit ekki hvernig Þór ætlaði að lifa af næstu 2-3 árin ef við hefðum ekki gert það"

Barðist fyrir að fá að fara en þrjóskir stjórnarmenn tóku það ekki í mál - „Sjáum ekki eftir því í dag"

Adam Örn: Væri fínt að fá já eða nei frá Breiðabliki

Fékk nóg af lánaflakkinu og valdi milli tveggja liða - „Alvöru hausverkur"

Oliver á leiðinni aftur til Norrköping - „Alltaf beðið eftir þessari upplifun"

Valdi á milli liðanna sem fara í Evrópu - „Ég set allavega yfir tíu"

Fann að tíminn var kominn - „Hætt að vera jafngaman og þetta á að vera"

Eyþór Wöhler: Fyrst og fremst Óskar Hrafn Þorvalds

mið 05. október 2022 22:40

@SEinarsson

Sverrir Örn Einarsson

Arnar Gunnlaugs: Adrenalínið flæðir um líkamann

Arnar Gunnlaugsson

Mynd: Fótbolti.net - Hafliði Breiðfjörð

Það var að vonum ánægður þjálfari Víkinga Arnar Gunnlaugsson sem mætti í viðtal við fréttaritara Fótbolta.net eftir ótrúlegan 3-2 sigur Víkinga á Val fyrr í kvöld. Þegar rúmar 20 mínútur lifðu leik var staðan 0-2 fyrir Val og fátt í kortunum að Víkingar hyggðu á endurkomu. Sú varð þó raunin og gerðu Víkingar þrjú mörk á lokakafla leiksins og tryggðu sér stigin þrjú.

Lestu um leikinn: Víkingur R. 3 - 2 Valur

„Hvað gerist? Það er bara góð spurning. Við fengum kraft frá varamönnum okkar og þetta snýst um að ná þessu fyrsta marki og þá getur allt gerst. Valur var búið að spila frábæran leik og voru með okkur í köðlunum en þeir voru farnir að þreytast á meðan að við gátum komið með fjóra ferska og ekki bara ferska heldur líka mjög góða fótboltamenn. Sem betur fer náðum við þessu fyrsta marki og þá kom svona von og trú og adrenalínið flæðir um líkamann og það kemur manni ansi langt. “ Sagði Arnar um hvað hefði gerst hjá liðinu sem varð til þess að endurkoman raungerðist.

Leikur Víkinga í fyrri hálfleik var langt frá þeirra besta. Boltinn gekk hægt á milli manna og virtist sóknarleikur liðsins mjög fyrirsjáanlegur fyrir vörn Vals. Tók Arnar kröftuga hálfleiksræðu á lið sitt?

„Nei eiginlega ekki. Ég var óvenju rólegur. Þetta er svo eðlilegt eftir stóra sigra. Alveg sama hvað hver segir, alveg sama hvað strákarnir vilja gíra sig upp og alveg sama hvað ég vill gíra strákanna mikið upp þá er þetta alveg eðlilegt að gefa aðeins eftir. Það er nóg í svona leik í nútímafótbolta að ef þú gefur eftir einhver nokkur prósent þá ertu í slæmum málum sérstaklega á móti svona góðu liði eins og Val. “

Arnar hefur verið þekktur fyrir það sem þjálfari Víkinga að þora að taka stórar ákvarðanir og í kvöld hafði hann séð nóg og gerði fjórfalda skiptingu. Skipting sem heppnaðist vægast sagt fullkomnlega en allir varamenn Víkinga léku stórt hlutverk í endurkomu liðsins.

„Ef fólk man eftir síðasta tímabili þá var lykillinn að báðum titlum hversu öflugur bekkurinn okkar var. Við gátum klárað leiki gríðarlega vel, hent ferskum mönnum inná og klárað leikinn. Leikur okkar snýst um mjög háa ákefð og það er erfitt að spila. Sérstaklega fyrir framlínuna sem við erum að biðja um að pressa og sinna varnarleik og líka að vera inn í teig og taka á móti fyrirgjöfum og skora mörk. Þetta eru þær stöður sem við leggjum mikla áherslu á að hafa breidd og oftar en ekki í sumar er sú breidd ekki búin að vera til staðar af ákveðnum ástæðum. En núna hægt og bítandi erum við að fá þessa menn til baka og þeir að komast í betra form og það hjálpar okkur mikið. Stundum heppnast þessar skiptingar og stundum ekki en Guð minn almáttugur ég vill ekki gera þetta í hverjum einasta leik. Hjarta mitt myndi ekki þola að vera alltaf undir og þurfa á skiptingum að halda.“

Sagði Arnar en allt viðtalið má sjá hér að ofan.

Athugasemdir

Nýjustu fréttirnar