Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 05. október 2022 20:37
Brynjar Ingi Erluson
Haaland óstöðvandi - Skorað eitt prósent af öllum mörkum Man City frá upphafi
Erling Braut Haaland
Erling Braut Haaland
Mynd: EPA
Norski framherjinn Erling Braut Haaland er að eiga draumabyrjun með Manchester City en hann skoraði tvö mörk fyrir liðið gegn FCK í Meistaradeildinni í kvöld áður en honum var skipt af velli.

Haaland var kominn með 17 mörk í öllum keppnum fyrir leikinn í kvöld og hélt hann áfram góðu gengi og skoraði tvö mörk í fyrri hálfleiknum.

Pep Guardiola, stjóri Man City, skipti Haaland af velli í hálfleik, en þessi stóri og stæðilegi framherji er nú með 28 mörk í fyrstu 22 leikjum sínum í keppninni.

Blaðamaðurinn Duncan Alexander bendir á þá skemmtilegu staðreynd að Haaland hefur skorað eitt prósent af öllum mörkum Man City í ensku úrvalsdeildinni og Meistaradeildinni frá upphafi.

Norðmaðurinn er nú með 19 mörk í öllum keppnum og er bara rétt að byrja.


Athugasemdir
banner
banner
banner
banner