Sigurvin Ólafsson
FH-ingar eru í erfiðum málum
Sigurvin Ólafsson, annar af þjálfurum FH, var vitaskuld svekktur með 2-1 tapið gegn ÍBV í Bestu deildinni í dag, en annars ekkert alltof ósáttur við frammistöðuna á Hásteinsvelli.
Lestu um leikinn: ÍBV 2 - 1 FH
Það þarf alltaf að gera ráð fyrir erfiðum aðstæðum þegar spilað er í Eyjum og var það raunin í dag.
FH-ingar byrjuðu með vindinn á móti sér og gátu Eyjamenn nýtt sér það þegar Telmo Castanheira skoraði með laglegu skoti fyrir utan teig. Ólafur Guðmundsson jafnaði metin 25 mínútum síðar fyrir FH, en Eiður Aron Sigurbjörnsson sá til þess að tryggja Eyjamönnum öll stigin.
FH-ingar eru áfram í næst neðsta sæti deildarinnar með 19 stig þegar fjórir leikir eru eftir.
„Svekktur með niðurstöðuna og úrslitin. Þessi leikur hefði getað farið á alla vegu en við vorum ekki nógu góðir þannig við endum með núll stig."
„Auðvitað meiri í fyrri hálfleik þegar það lægði en auðvitað blíða núna. Það hafði svolítil áhrif í fyrri hálfleik en það eru alveg kostir að spila á móti þeim vindi. Hægt að senda hann inn fyrir og fýkur ekki útaf af vellinum. Við spilum allt í lagi í fyrri og seinni hálfleik en við vissum fyrir hvernig þessi leikur yrði. Hvar dettur boltinn og hver er fyrstur á hann og hver getur hnoðað honum yfir línuna og þar voru Eyjamenn betri en við í dag."
„Fyrstu tuttugu eru bara vindurinn og pressa. Einvígi út um allan völl og þá þeir með vind í bakið. Það lá aðeins á okkur en þeir voru ekkert að gera neitt. Hann skorar skeytin inn af 30 metrum og það er voða erfitt að stoppa það en að öðru leyti eru þeir ekkert að herja á okkur."
„Þetta er eins og fara nokkur tugi aftur í tímann að sjá svona fótboltaleik þar sem þetta er bara upp í loft og berjast. Það er bara eðlilegt og ákveðin tegund af knattspyrnu sem Eyjamenn eru góðir í. Við ætluðum að matcha, gerðum það ágætlega, en ekki nógu vel," sagði Sigurvin við Fótbolta.net.
FH á fjóra leiki eftir og næst er það erfiður leikur við Leikni, en Leiknismenn eru einmitt stigi fyrir ofan FH og í öruggu sæti.
„Við vissum fyrirfram hvað var framundan. Í raun og veru allar líkur á að það yrði fimm úrslitaleikir. Draumurinn var að ná 'runni' og eiga ekki algjöra úrslitaleiki í lokin en eins og þetta þróast núna erum við að fara inn í 'mini-final' á móti Leikni á sunnudaginn, en sama hvernig sá leikur fer er þetta ekki búið ennþá. Ef við hefðum unnið í dag hefði það ekki breytt því að það eru eintómir mikilvægir leikir eftir," sagði hann ennfremur, en hann ræðir meiðsli, standið á mönnum eftir bikarúrslitaleikinn og margt annað í viðtalinu hér fyrir ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
