Á fimmtudaginn mun France Football opinbera hvaða leikmaður vinnur gullknöttinn, Ballon d’Or, þetta árið.
Spænska blaðið Mundo Deportivo segist hafa öruggar heimildir fyrir því að Ronaldo fái verðlaunin.
Ronaldo hjálpaði Real Madrid að vinna La Liga og Meistaradeild Evrópu á árinu.
Ef satt reynist þá mun Ronaldo jafna Lionel Messi í fjölda gullknatta en Messi hefur unnið verðlaunin fimm sinnum.
Þá segir Mundo Deportivo að David Ginola muni láta Ronaldo fá gullknöttinn í Eiffel-turninum fræga í París.
Allt lék í lyndi hjá Ronaldo og Real Madrid á síðasta tímabili en upphafið á þessu tímabili hefur ekki verið nægilega gott. Þetta er versta byrjun Real síðan 2008.
Athugasemdir