Útlit er fyrir að Marko Arnautovic, sóknarmaður West Ham, verði frá út árið hið minnsta eftir að hafa meiðst aftan á læri í 3-1 sigri gegn Cardiff um helgina.
Arnautovic byrjaði leikinn en fór haltrandi af velli í fyrri hálfleik, skömmu eftir að hafa fengið dæmda vítaspyrnu á sig og gult spjald.
Lucas Perez tók stöðu Arnautovic í framlínunni og skoraði hann tvö mörk í upphafi síðari hálfleiks. Hann mun berjast við Andy Carroll um stöðu í byrjunarliðinu í fjarveru Arnautovic, sem er búinn að skora fimm mörk og leggja tvö upp í þrettán deildarleikjum.
Þetta er þungt högg fyrir Hamrana sem misstu Andriy Yarmolenko og Manuel Lanzini í langtímameiðsli fyrr á árinu.
Jack Wilshere ætti hins vegar að vera klár í slaginn eftir enn ein ökklameiðslin.
.@WestHamUtd could be without Marko Arnautović for quite a while...🤕
— Sky Sports Premier League (@SkySportsPL) December 5, 2018
How big a miss will he be for the Hammers? ⚒ pic.twitter.com/CroHHuB2Qf
Athugasemdir
