Stigasöfnun Cardiff í ensku úrvalsdeildinni hefur stórbatnað eftir að Aron Einar Gunnarsson kom úr meiðslum. Allir gera sér grein fyrir mikilvægi hans fyrir liðið.
Aron gat þó ekki komið í veg fyrir 3-1 tap gegn West Ham í gær en átti samt stóran þátt í marki Cardiff.
WalesOnline valdi Aron mann leiksins hjá Cardiff og gaf honum 7 í einkunn.
Aron gat þó ekki komið í veg fyrir 3-1 tap gegn West Ham í gær en átti samt stóran þátt í marki Cardiff.
WalesOnline valdi Aron mann leiksins hjá Cardiff og gaf honum 7 í einkunn.
„Barðist af krafti. Leið vel á boltanum og í seinni hálfleik var eins og hann væri sá eini sem veitti West Ham mótspyrnu," segir í umsögn WalesOnline.
Cardiff er rétt fyrir ofan fallsætin og eftir leikinn í gær talaði Neil Warnock, stjóri liðsins, að hann vildi fá miðjumann í janúar svo liðið gæti brugðist við ef Aron yrði frá vegna meiðsla.
Cardiff tekur á móti Southampton næsta laugardag.
Athugasemdir