Bakslag varð í endurkomu Laurent Koscielny þegar hann haltraði af velli eftir 80 mínútna leik í 2-1 sigri U21-liðs Arsenal gegn Portsmouth.

Þessi 33 ára franski miðvörður sleit hásin gegn Atletico Madrid í maí og hefur verið að vinna í endurkomu sinni.

Hann var að nálgast aðalliðið að nýju og átti að stíga skref í átt að því með því að spila fyrir unglingaliðið á Fratton Park í gær.

Ekki er vitað hvort fyrri meiðsli hafi tekið sig upp aftur eða um ný meiðsli hafi verið að ræða en vonandi nær Koscielny að snúa aftur fyrr en síðar.