mið 05. desember 2018 23:08
Ívan Guðjón Baldursson
Pochettino: Vonbrigði að Lloris hafi verið maður leiksins
Mynd: Getty Images
Mauricio Pochettino var ekki ánægður með frammistöðu sinna manna er Tottenham lagði Southampton að velli með þremur mörkum gegn einu fyrr í kvöld.

Tottenham komst 3-0 yfir á heimavelli og gerði Charlie Austin eina mark gestanna í uppbótartíma.

„Þetta var erfiður leikur sérstaklega eftir að hafa spilað þrjá stórleiki í síðustu viku," sagði Pochettino eftir sigurinn.

„Við byrjuðum seinni hálfleikinn vel en vorum heppnir að vinna. Southampton skapaði meira en við og voru óheppnir.

„Þeir fengu fleiri marktækifæri gegn okkur heldur en Arsenal og það eru vonbrigði að Hugo Lloris hafi verið maður leiksins. Það er þó sigurinn sem telur og ég er ánægður með stigin."


Tottenham fór yfir Chelsea og upp í þriðja sæti úrvalsdeildarinnar með sigrinum.
Athugasemdir
banner
banner