Kórdrengir mættu Þrótti Vogum í Saltverksmótinu á Hlíðarenda í gærkvöldi og úr varð fjörugur leikur.

Þróttarar komust yfir en Kórdrengir sneru stöðunni við og enduðu uppi sem sigurvegarar þökk sé sigurmarki frá Magnúsi Þóri Matthíassyni, fyrrverandi leikmanni Keflavíkur.

Bæði lið eru með þrjú stig eftir tvær umferðir, en KH er á toppnum með sex stig sem stendur á meðan Hamar er stigalaust á botninum.

Þróttur V. mætir KH í lokaumferðinni í hádeginu á laugardaginn. Kórdrengir mæta svo Hamri í næstu viku.