Þrátt fyrir áhugann þá segir Mourinho að Tottenham hafi ekki verið reiðubúið til að bjóða brasilíska kantmanninum samkeppnishæf laun.

Hinn 32 ára gamli Willian endaði þess í stað hjá Arsenal þar sem hann skrifaði undir samning til 2023.

„Við áttum ekki efni á Willian, við gátum ekki keppt við samningstilboð Arsenal svo við leyfðum honum að fara þangað. Hann er ennþá einn af bestu leikmönnum úrvalsdeildarinnar auk þess að vera góður vinur minn. Við eigum í góðu sambandi, við spjöllum reglulega saman," sagði Mourinho.

Willian byrjaði gríðarlega vel og lagði þrjú mörk upp í fyrsta leik sínum með Arsenal, 3-0 sigri gegn Fulham. Síðan þá hefur hann spilað 12 leiki án þess að skora eða leggja upp.

Arsenal og Tottenham eigast við í hatrömmum fjandslag á morgun og er búist við að Willian verði með.

Arsenal hefur farið illa af stað á nýju úrvalsdeildartímabili en Tottenham er á fleygiferð og vermir toppsætið sem stendur.