Man Utd ætlar að bjóða í Barkley - Varane og Casemiro aftur til Real?
banner
   mán 05. desember 2022 16:30
Guðmundur Aðalsteinn Ásgeirsson
Pele segist ætla að horfa á leikinn á spítalanum
Mynd: Getty Images
Brasilíska fótboltagoðsögnin Pele ætlar að horfa á leik Brasilíu gegn Suður-Kóreu á heimsmeistaramótinu í kvöld.

Leikurinn í kvöld er í 16-liða úrslitum mótsins en Brasilía stefnir á að fara alla leið - eins og alltaf.

Pele, sem er af mörgum talinn besti fótboltamaður allra tíma, hefur verið í erfiðri baráttu við ristilkrabbamein og bárust á dögunum fréttir frá Brasilíu að nú væri hann kominn í líknarmeðferð.

Hann fékk verk fyrir hjartað á dögunum og var fluttur með hraði á spítala og hafa þekktustu nöfnin í fótboltaheiminum sent honum hlýjar kveðjur í gegnum samfélagsmiðla.

Hann segist vera fullur af orku en hann ætlar sér að horfa á leikinn í kvöld. Hann notaði samfélagsmiðla til að greina frá þessu.

Hann vann HM þrisvar sem leikmaður og vonast hann til að sjá brasilíska liðið lyfta bikarnum þann 18. desember næstkomandi.


Athugasemdir
banner
banner
banner
banner