Kári Árnason er búinn að draga sig úr íslenska landsliðshópnum sem mætir Svíþjóð og Eistlandi í næstu viku. Kári er að glíma við meiðsli. Kolbeinn Birgir Finnsson kemur inn í hópinn í hans stað.
Kolbeinn gæti því spilað sinn fyrsta A-landsleik í mánuðinum en hann hefur leikið fyrir öll yngri landslið Íslands.
Kolbeinn, sem er fæddur 1999, ólst upp hjá Fylki og spilaði níu leiki í Pepsi-deildinni sumarið 2015 áður en hann hélt til Groningen í Holland.
Samningur hans við Groningen rann út í sumar og skrifaði Kolbeinn undir tveggja ára samning við Brentford sem leikur í ensku Championship deildinni.
Íslenska landsliðið heimsækir Svíþjóð 11. janúar og Eistland 15. janúar. Undankeppni EM hefst svo í lok mars.
Athugasemdir
