WhoScored.com birti áhugavert tíst á reikningi sínum í gær. Þar segir að Manchester United og Atletico Madrid séu í dag köldustu liðin í topp-5 deildum Evrópu.
United og Atletico hefur hvorugu tekist að skora í síðustu þremur deildarleikjum sínum og eru það þessa stundina flestir leikir án þess að ná að skora í ensku, þýsku, spænsku, ítölsku og frönsku deildinni.
Atletico Madrid gengur illa að skora, Joao Felix er meiddur, Alvaro Morata er tæpur og Diego Costa er að snúa til baka eftir meiðsli. Neista hefur vantað í leik Atletico og Diego Simeone, stjóri félagsins, af sumum sagður kominn á endarstöð með liðið.
Hjá United hefur illa gengið að skora í deildinni eftir meiðsli Marcus Rashford. Anthony Martial er ískaldur og Mason Greenwood fær að sumra mati of lítið að spila. Liðið krækti í Odion Ighalo á láni frá Kína fyrir gluggalok og spurning hvort hann hjálpi liðinu að koma inn mörkum.
❌❌❌ Manchester United and Atletico Madrid are currently on the longest streaks without scoring in Europe's top five leagues, both having failed to find the net in three consecutive matches pic.twitter.com/gJksOjsyWs
— WhoScored.com (@WhoScored) February 5, 2020
Athugasemdir