Al Arabi lagði Al Kohr 1-0 er liðin mættust í úrvalsdeildinni í Katar í dag en þetta var fyrsti sigur liðsins frá því í byrjun janúar.
Al Arabi vann síðast Al Ahli 3-0 þann 2. janúar síðastliðinn en liðið lék sex leiki eftir það þar sem það tapaði einum leik og gerði fimm jafntefli.
Það hafðist þó sigur í dag en Hamdi Haraboui skoraði sigurmarkið á 21. mínútu.
Aron Einar Gunnarsson lék allan leikinn með Al Arabi í dag en Heimir Hallgrímsson er þjálfari liðsins.
Al Arabi er í fimmta sæti deildarinnar með 24 stig fimmtán stigum á eftir Al Duhail sem er í efsta sætinu.
Athugasemdir