Byrjunarlið Burnley og Arsenal: Jói Berg mættur - Fimm breytingar hjá Arsenal

Bæði lið mættu Leicester City í sínum síðasta deildarleik. Burnley gerði jafntefli við liðið á heimavelli í miðri viku en Skytturnar unnu góðan útisigur á Leicester um síðustu helgi.

Með sigri hjá gestunum í dag getur liðið blandað sér enn frekar í baráttuna um Evrópusæti á næsta tímabili á meðan heimamenn í Burnley geta forðað sér frekar frá fallsvæðinu með sigri.

Sean Dyche, stjóri Burnley, gerir eina breytingu frá jafnteflisleiknum gegn Leicester í miðri viku. Íslenski landsliðsmaðurinn Jóhann Berg Guðmundsson er mættur aftur í slaginn eftir meiðsli. Jack Cork er ekki með Burnley í dag.

Mikel Arteta, stjóri Arsenal, gerir fimm breytingar frá sigurleiknum góða í síðustu umferð. Calum Chambers, Bukayo Saka, Pierre-Emerick Aubameyang, Martin Odegaard og Thomas Partey koma allir inn í byrjunarlið gestanna.

Burnley: Pope, Lowton, Tarkowski, Mee, Taylor, McNeil, Westwood, Brownhill, Jóhann, Wood, Vydra.
(Varamenn: Farrel, Bardsley, Long, Dunne, Stephens, Pieters, Benson, Brady, Rodriguez)

Arsenal: Bernd Leno, Tierney, Mari, Chambers, Luiz, Xhaka, Partey, Odegaard, Willian, Saka, Aubameyang.
(Varamenn: Ryan, Bellerin, Holding, Gabriel, Elneny, Ceballos, Pepe, Lacazette, Martinelli)</