Heimild: Stöð 2 Sport
Guðmundur Benediktsson, íþróttafréttamaður á Stöð 2 Sport, segist gera þá kröfu á Björn Daníel Sverrisson, miðjumann FH, að hann verði mun betri á komandi tímabili en því síðasta.
Björn Daníel kom úr atvinnumennskunni fyrir síðasta tímabil og miklar væntingar voru gerðar til hans.
Björn Daníel kom úr atvinnumennskunni fyrir síðasta tímabil og miklar væntingar voru gerðar til hans.
„Ég geri þá kröfu að Björn Daníel verði í huga allra þegar rætt verður um besta leikmann mótsins 2020," sagði Gummi Ben í spjallþætti í gær.
„Þessi gæi á að vera einn besti leikmaður deildarinnar en hann var það alls ekki í fyrra. Hann hefur alla hæfileika til þess."
Sigurvin Ólafsson, þjálfari KV, var gestur í þættinum og tók undir orð Gumma.
„Hann gæti verið svindlkall. Hann var ekki hræðilegur í fyrra en maður veit að það er meira í boði þarna," sagði Sigurvin.
Björn Daníel lék alla 22 leiki FH í Pepsi Max-deildinni í fyrra og skoraði þrjú mörk þegar liðið hafnaði í þriðja sæti.
Athugasemdir