banner
   sun 06. júní 2021 19:47
Brynjar Ingi Erluson
De Bruyne og Foden valdir bestir af leikmönnum úrvalsdeildarinnar
Kollegar Kevin De Bruyne völdu hann besta leikmann ársins
Kollegar Kevin De Bruyne völdu hann besta leikmann ársins
Mynd: PFA
Kevin De Bruyne, leikmaður Manchester City á Englandi, var valinn leikmaður ársins af leikmönnum ensku úrvalsdeildarinnar en greint var frá valinu í kvöld. Phil Foden er besti ungi leikmaðurinn.

De Bruyne hefur verið með bestu leikmönnum deildarinnar síðustu ár en þetta er annað árið í röð sem hann vinnur þessi verðlaun.

Hann skoraði sex mörk og lagði upp tólf á þessu tímabili er City vann deildina.

Phil Foden, samherji hans hjá City, var valinn besti ungi leikmaðurinn en hann skoraði fimm mörk og lagði upp níu.

Í kvennaflokki var Fran Kirby, leikmaður Chelsea, valin best en Chelsea vann deildina og komst í úrslitaleik Meistaradeildarinnar á tímabilinu og þá var Lauren Hemp, leikmaður Manchester City, valin besti ungi leikmaðurinn.


Athugasemdir
banner
banner
banner
banner