Georgino Wijnaldum er mjög nálægt því að ganga til liðs við PSG en frönsku risarnir virðast vera hafa betur í baráttunni gegn Barcelona.
Hollenski miðjumaðurinn yfirgaf Liverpool á frjálsri sölu í þessum mánuði og lengi vel leit út fyrir það að hann væri á leið til Barcelona.
PSG hefur hins vegar boðið Wijnaldum miklu betri samning og nú virðist allt stefna í það að leikmaðurinn fari til Parísar og skrifi undir þriggja ára samning.
Nokkur stórlið höfðu áhuga á Wijnaldum, þar á meðal Bayern Munchen. Talið var að hann væri búinn að ná samkomulagi við Barcelona en þá steig PSG inn.
Wijnaldum verður fyrirliði Hollands á EM sem hefst eftir nokkra daga en hann á 74 leiki að baki fyrir landsliðið.
Athugasemdir