Busquets er reyndari leikmaður landsliðsins en hann hefur spilað 123 leiki og skorað 2 mörk.

Hann var í byrjunarliði Spánar gegn Portúgölum í vináttuleik sem fór fram á föstudag en var skipt af velli í síðari hálfleik.

Það eru strangar reglur í kringum leikmannahópinn og farið eftir sóttvarnarreglum en það kom þó ekki í veg fyrir smit. Busquet fór í skimun í morgun og greindist svo stuttu síðar með veiruna en hann er nú kominn í einangrun og hefur yfirgefið hópinn í bili.

Þeir leikmenn og þjálfarar sem voru nálægt Busquets eru einnig komnir í einangrun.

Spænska liðið á að mæta Litháen í æfingaleik á þriðjudag en aðalliðið mun ekki spila. U21 árs landsliðið mun spila gegn Litháen í staðinn. Fyrsti leikur Spánar á EM er þann 14. júní gegn Svíþjóð.