Alfons Sampsted.
„Ég er mun svekktari eftir leikinn gegn Ísrael," sagði Alfons Sampsted, bakvörður Íslands, eftir jafntefli gegn Albaníu á Laugardalsvelli.
„Okkar tilfinning er sú að við áttum hættulegri færi, við vorum með hærra orkustig og heilt yfir með betri tök á leiknum. Heilt yfir vorum við einhverjum skrefum fyrir ofan þá."
„Okkar tilfinning er sú að við áttum hættulegri færi, við vorum með hærra orkustig og heilt yfir með betri tök á leiknum. Heilt yfir vorum við einhverjum skrefum fyrir ofan þá."
Lestu um leikinn: Ísland 1 - 1 Albanía
„Það var meiri stjórn frá okkar hálfu í þessum leik... í dag pressuðum við Albaníu hátt og þvingum þá til senda langt, svo erum við að vinna bolta tvö og þrjú."
Það hefði klárlega verið hægt að koma í veg fyrir mark Albaníu. „Þetta er eitthvað sem við verðum að taka úr okkar leik. Við ætlum ekki að gefa andstæðingnum neitt, sérstaklega ekki á heimavelli."
„Ef við náum að taka það úr okkar leik, þá höfum við tekið annað skref. Vonandi náum við að hækka einbeitingu okkar yfir 90 mínútur," sagði Alfons.
Allt viðtalið er hér að ofan.
