Andreas Granqvist, fyrirliði Svía, varð faðir í annað skipti í nótt þegar eiginkona hans Sofie fæddi dóttur.
Hinn 33 ára gamli Granqvist missti sjálfur af fæðingunni þar sem hann er í Rússlandi að undirbúa sig fyrir leik Englands og Svíþjóðar í 8-liða úrslitum HM á morgun.
„Svo ánægður og stoltur af konunni minni. Báðum heilsast vel," sagði Granqvist þegar hann birti mynd af dóttur sinni á Instagram.
Granqvist vissi fyrir HM að hann gæti misst af fæðingunni.
„Eiginkona mín er mjög sterk persóna og við vissum stöðuna áður en ég kom hingað," sagði Granqvist í vikunni.
Athugasemdir