„Þetta gæti ekki verið betri viðureign. Þeir halda að þeir séu svo góðir en þeir eru það ekki," sagði þessi fyrrum leikmaður Wimbledon í útvarpsþætti í Svíþjóð.

„Þeir eru ofdekruð börn sem þéna mikinn pening. Þeir hafa ekki ástríðuna sem þarf. Þú ert ekki hræddur þegar þú sérð þetta lið. Það hentar Svíþjóð vel. Ef við komumst í gegnum fyrstu 20 mínúturnar getum við komist áfram. Þeir eru takmarkaðir."

Englendingar þurftu að fara alla leið í vítspyrnukeppni til þess að bera sigur úr býtum gegn Kólumbíu og telur Mild það vinna gegn þeim.

Svíþjóð og England mætast á morgun, laugardag, klukkan 14.