Hinn 41 árs gamli Buffon var í 17 ár hjá Juventus áður en hann gekk í raðir PSG síðasta sumar. Hann tók eitt ár í Frakklandi og er núna mættur aftur til Ítalíumeistaranna.

Umboðsmaður Buffon segir að hann hafi hafnað tilboðum úr ensku úrvalsdeildinni.

„Hann var með mörg tilboð, sérstaklega úr ensku úrvalsdeildinni og frá öðrum stórliðum," sagði Silvano Martina við MailOnline.

„Buffon hefur alltaf tekið ákvarðanir út frá hjartanu, ekki veskinu," sagði umboðsmaðurinn einnig.