Íslenska U17 kvennalandsliðið er að keppa á Norðurlandamótinu og hefst síðasti leikur riðlakeppninnar innan skamms.
Ísland mætir Danmörku og þarf stórsigur til að tryggja sér toppsæti riðilsins. Stelpurnar okkar eru með fjögur stig eftir tvær umferðir, rétt eins og Þýskaland. Noregur er í þriðja sæti, með þrjú stig.
Danska liðið er það versta í riðlinum og er með markatöluna 1-12 eftir leiki sína við Þjóðverja og Norðmenn. Markatalan gæti orðið mikilvæg og því þurfa stelpurnar að reyna að skora sem mest í dag.
Toppsæti riðilsins fer í úrslitaleikinn á meðan annað sætið keppir um brons.
Hér fyrir neðan má sjá byrjunarlið Íslands. Þar má finna nokkra byrjunarliðsmenn úr Pepsi Max-deild kvenna.
Í vörninni er Áslaug Dóra Sigurbjörnsdóttir, leikmaður Selfoss, og á miðjunni má finna Þórhildi Þórhallsdóttur sem leikur fyrir HK/Víking.
Hildigunnur Ýr Benediktsdóttir, leikmaður Stjörnunnar, er einnig í byrjunarliðinu ásamt Maríu Catharinu Ólafsdóttur Gros sem er hjá Þór/KA.
Bryndís Arna Níelsdóttir byrjar fremst. Hún á sex Pepsi Max-leiki að baki fyrir Fylki í sumar.
Byrjunarlið Íslands:
Markvörður:
Aníta Ólafsdóttir
Varnarmenn:
Jakobína Hjörvarsdóttir
Áslaug Dóra Sigurbjörnsdóttir
Andrea Marý Sigurjónsdóttir
Bergþóra Sól Ásmundsdóttir
Miðjumenn:
Þórhildur Þórhallsdóttir hk/v
Hildur Lilja Ágústsdóttir
Amanda Jacobsen Andradóttir
Hildigunnur Ýr Benediktsdóttir star
María Catharina Ólafsdóttir Gros þorka
Framherji:
Bryndís Arna Níelsdóttir fylk
Athugasemdir