Belgía og Skotland mætast í vináttuleik á morgun en belgíska liðið er að undirbúa sig fyrir leikinn gegn Íslandi í Þjóðadeildinni 15. september næstkomandi.

Martinez talar vel um íslenska liðið og þarf því að spila gegn liðum sem eru að nýta svipaða styrkleika og íslenska liðið. Hann ætlar ekki að hreyfa mikið við byrjunarliðinu.

„Íslenska er liðið er afar gott á heimavelli. Þeir þekkja sína styrkleika, eru skipulagðir og særa lið með föstu leikatriðunum," sagði Martinez.

„Ekki búast við of mörgum breytingum fyrir leikinn gegn Skotum á morgun. Þetta verður sterkt lið sem ég býst við að spili leikinn gegn Íslandi," sagði hann í lokin.