Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   sun 06. september 2020 17:54
Guðmundur Aðalsteinn Ásgeirsson
Lengjudeildin: Fram vann toppslaginn í Breiðholti
Lengjudeildin
Alexander skoraði sigurmark Fram.
Alexander skoraði sigurmark Fram.
Mynd: Fótbolti.net - Hafliði Breiðfjörð
Lærisveinar Guðjóns unnu heimasigur á Magna.
Lærisveinar Guðjóns unnu heimasigur á Magna.
Mynd: Fótbolti.net - Hafliði Breiðfjörð
Fram er á toppi Lengjudeildarinnar eftir 1-0 sigur á Leikni Reykjavík í toppslag. Leikurinn fór fram í Breiðholti.

Alexander Már Þorláksson kom Fram yfir á 18. mínútu leiksins með sínu 100. marki í deild og bikar á Íslandi. „Frábær samleikur milli Fred og Tryggva úti vinstra meginn sem endar með fyrirgjöf inn á teiginn frá Tryggva beint á kollinn á Alexander Má sem stangar boltann inn," skrifaði Anton Freyr Jónsson í textalýsingu þegar Alexander skoraði.

Framarar voru sterkir í rigningunni í Breiðholti og þeir lönduðu sigrinum. Leiknismenn voru reyndar brjálaðir alveg undir lok leiksins og vildu fá vítaspyrnu. Fram er á toppnum með 31 stig eftir 14 leiki spilaða, fimm stigum meira en Leiknir í öðru sæti. Fram hefur ekki leikið í efstu deild síðan 2014 en er núna að gera alvöru tilraun til að komast aftur upp.

Víkingur Ólafsvík vann Magna, 3-2, í fallbaráttuslag í hinum leiknum sem var að klárast. Lærisveinar Guðjóns Þórðarsonar gengu frá leiknum í fyrri hálfleik með þremur mörkum.

Helgi Snær Agnarsson minnkaði muninn fyrir Magna á 60. mínútu og Kristinn Þór Rósbergsson minnkaði muninn enn frekar á 89. mínútu, en það var of lítið og of seint. Ólsarar er í níunda sæti með 15 stig, fjórum stigum frá fallsvæðinu. Magni er á botninum með átta stig.

Leiknir R. 0 - 1 Fram
0-1 Alexander Már Þorláksson ('18 )
Lestu nánar um leikinn

Víkingur Ó. 3 - 2 Magni
1-0 Emmanuel Eli Keke ('6 )
2-0 Gonzalo Zamorano Leon ('37 )
3-0 Þorleifur Úlfarsson ('38 )
3-1 Helgi Snær Agnarsson ('60 )
3-2 Kristinn Þór Rósbergsson ('89 )
Lestu nánar um leikinn

Önnur úrslit:
Lengjudeildin: Þróttur og Afturelding með góða sigra


Athugasemdir
banner
banner
banner