Hörður Björgvin Magnússon hefur neyðst til að draga sig úr íslenska landsliðshópnum sem mætir Frakklandi og Andorra í undankeppni EM 2020.
Hörður meiddist á ökkla í leik með CSKA Moskvu í Evrópudeildinni á fimmtudag og þurfti hann að yfirgefa leikvanginn á hækjum.
Hörður meiddist á ökkla í leik með CSKA Moskvu í Evrópudeildinni á fimmtudag og þurfti hann að yfirgefa leikvanginn á hækjum.
„Hörður Björgvin Magnússon hefur neyðst til að draga sig út úr leikmannahópi Íslands fyrir komandi leiki vegna ökklameiðsla sem hann varð fyrir á fimmtudag. Ekki er vitað hversu lengi Hörður verður frá," segir í tilkynningu KSÍ.
Ekki hefur enn komið fram hvort einhver leikmaður verði kallaður inn í hópinn í stað Harðar, sem var allan tímann á varamannabekk CSKA í 3-1 tapi gegn Rostov í rússnesku úrvalsdeildinni í dag.
Landsliðsfyrirliðinn Aron Einar Gunnarsson þurfti fyrr í dag einnig að draga sig úr hópnum vegna meiðsla.
Ísland mætir Frakklandi á föstudag og Andorra á mánudeginum eftir. Báðir leikir eru á Laugardalsvelli.
Athugasemdir