Gagnrýnin á Solskjær hefur aukist til muna undanfarnar vikur og eftir leiðinlegt markalaust jafntefli í Hollandi eyddi hann Twitter-reikningi sínum.

Á Mirror segir að Solskjær hafi svarað stuðningsmanni áður en reikningurinn hvarf. Hann þakkaði stuðningsmanninum fyrir góð skilaboð.

„Takk fyrir skilaboðin. Ég er ánægður að einhver sjái framfarirnar, við gerum það. Sóknarleikurinn mun koma," á Solskjær að hafa skrifað.

Man Utd hefur átt í vandræðum í upphafi tímabils, en liðið mætir Newcastle síðar í dag. Leikurinn hefst klukkan 15:30.