Jose Mourinho, stjóri United, staðfesti það á blaðamannafundi í Tórínó í kvöld en hann greindi jafnframt frá því að Lukaku væri tæpur fyrir grannaslaginn gegn Manchester City í ensku úrvalsdeildinni á sunnudag.

Lukaku var settur á bekkinn fyrir leikinn gegn Everton um þar síðustu helgi. Hann missti svo af leiknum gegn Bournemouth um helgina vegna meiðsla. Báðir leikirnir enduðu með 2-1 sigri Man Utd.

Lukaku hefur ekki verið góður á tímabilinu og átt í vandræðum fyrir framan markið.

Hann kom til United í fyrra frá Everton fyrir 75 milljónir punda (gæti hækkað í 90 milljónir punda). Hann skoraði 27 mörk í öllum keppnum á síðasta tímabili en hefur aðeins skorað fjögur mörk hingað til á þessari leiktíð.