Calvert-Lewin enn og aftur á meiðslalistanum

Frank Lampard stjóri liðsins segir að um meiðsli aftan í læri sé að ræða. Hann fari í myndatöku eftir helgi en Lampard telur þetta ekki alvarlegt.

Calvert-Lewin er í kapphlaupi við tímann um að vinna sér sæti í enska landsliðshópnum fyrir HM en það verður að teljast ansi ólíklegt eftir enn eitt áfallið.

Hann var frá í fjóra mánuði á síðustu leiktíð og missti af fyrsta mánuðinum á þessari leiktíð eftir að hafa meiðst á undirbúningstímabilinu.