Riðlakeppni Meistaradeildarinnar lýkur í kvöld. Síðasta umferðin í riðlum E-H fer fram með prompi og prakt.
Liverpool þarf stig úr heimaleik sínum gegn Spartak Moskvu til að vera öruggt með sæti í 16-liða úrslitum. Sigur í leiknum færir Liverpool efsta sæti riðilsins. Það þýðir að Liverpool fær "auðveldari" viðureign þegar dregið verður í 16-liða úrslitin.
Á sama tíma mætast Maribor og Sevilla, en ef allt fer á versta veg fyrir Liverpool endar liðið í Evrópudeildinni.
Liverpool þarf stig úr heimaleik sínum gegn Spartak Moskvu til að vera öruggt með sæti í 16-liða úrslitum. Sigur í leiknum færir Liverpool efsta sæti riðilsins. Það þýðir að Liverpool fær "auðveldari" viðureign þegar dregið verður í 16-liða úrslitin.
Á sama tíma mætast Maribor og Sevilla, en ef allt fer á versta veg fyrir Liverpool endar liðið í Evrópudeildinni.
Manchester City er komið áfram úr sínum riðli og hefur unnið hann. Napoli og Shakhtar Donetsk berjast um annað sætið. Napoli þarf að vinna sinn leik og treysta á City í kvöld.
Besiktas er búið að vinna G-riðilinn en um annað sætið berjast RB Leipzig og Porto; Mónakó er úr leik. Fyrir kvöldið eru Leipzig og Porto jöfn að stigum, með sjö hvort.
Það er svo allt klárt í H-riðlinum. Tottenham vinnur hann, Real Madrid verður í öðru sæti og Dortmund fer í Evrópudeildina.
Hér að neðan eru leikir kvöldsins.
E-riðill:
19:45 Maribor - Sevilla
19:45 Liverpool - Spartak Moskva (Stöð 2 Sport 2)
F-riðill:
19:45 Feyenoord - Napoli
19:45 Shakhtar Donetsk - Manchester City (Stöð 2 Sport 4)
G-riðill:
19:45 RB Leipzig - Besiktas
19:45 Porto - Mónakó
H-riðill:
19:45 Real Madrid - Dortmund (Stöð 2 Sport 5)
19:45 Tottenham - APOEL (Stöð 2 Sport 3)
Athugasemdir
