Brasilíski varnarmaðurinn Alex Sandro er við það að framlengja samning sinn við ítalska félagið Juventus en það er Goal.com sem greinir frá.
Alex Sandro kom til Juventus frá Porto fyrir þremur árum en hann hefur verið stöðugt orðaður við Manchester United síðasta árið.
Leikmaðurinn er með samning til ársins 2020 og var óvíst hvort hann myndi framlengja eða yfirgefa félagið en hann virðist ætla að skrifa undir nýjan samning.
Samkvæmt Goal.com þá mun leikmaðurinn skrifa undir samning sem gildir til ársins 2023.
Hann er lykilmaður í liðinu og einn besti vinstri bakvörður heims en hann á 13 landsleiki og 1 mark fyrir brasilíska landsliðið.
Athugasemdir