Kroos, sem hefur leikið í höfuðborg Spánar frá árinu 2014, varð þrítugur í janúar. Hann hefur unnið flestallt sem fótboltamönnum dreymir um að vinna, þar á meðal Meistaradeildina fjórum sinnum og Heimsmeistaratitil einu sinni.

„Ég er orðinn þrítugur og þá er gott að hugsa - hvað vill ég meira?" sagði Kroos við Sportschau Club.

„Ferill minn mun ekki endast mikið lengur. Ég er viss um að ég muni ekki spila fótbolta þegar ég verð 38 ára."

Samningur Kroos við Real Madrid rennur út 2023. Hann er enn hungraður í titla. „Það er ávanabindandi að vinna titla. Þess vegna er ég enn að spila."

Kroos og félagar hans í Real Madrid fara inn í helgina með þriggja stiga forskot á toppi spænsku úrvalsdeildarinnar.

Það er þó ljóst að Real vinnur ekki spænska bikarinn eftir tap gegn Real Sociedad í gær.