Tottenham heimsótti Burnley á Turf Moor í lokaleik dagsins í ensku úrvalsdeildinni. Tottenham hefur verið í miklu brasi að undanförnu en á sama tíma hefur gengi Burnley breyst til hins betra eftir slæmt gengi.

Chris Wood skoraði fyrsta mark leiksins fyrir heimamenn eftir að Hugo Lloris varði tilraun Jay Rodriguez. Ellefta mark Wood á leiktíðinni sem er hans mesta í úrvalsdeildinni.

Jose Mourinho gerði breytingu á Tottenham liðinu í hálfleik og inn kom Giovani Lo Celso. Tottenham byrjaði seinni hálfleikinn vel og jafnaði Dele Alli leikinn úr víti eftir að Erik Lamela var felldur.

Mikil barátta var í leiknum og fengu heimamenn fimm gul spjöld og gestirnir fengu fjögur gul. Mörkin urðu ekki fleiri en tvö í dag og jafntefli staðreynd. Tottenham hefur kki unnið í síðustu fimm leikjum sínum í öllum keppnum og Burnley er nú taplaust í fimm leikjum.