Landsliðsmaðurinn Rúnar Már Sigurjónsson byrjar tímabilið í Kasakstan á marki.
Astana vann stórsigur á Kyzyl-Zhar í 1. umferð deildarinnar, lokatölur voru 4-0.
Öll mörk Astana komu í síðari hálfleiknum og skoraði Rúnar Már þriðja markið á 88. mínútu. Eftir þennan góða sigur er Astana á toppnum á markatölu.
Rúnar er 29 ára gamall, en han kom til Astana frá Grasshopper í Sviss á síðasta ári. Á sinni fyrstu leiktíð gerði han sjö mörk í 23 keppnisleikjum með Astana.
Rúnar verður eflaust í landsliðshópi Íslands sem tekur þátt í umspili fyrir EM síðar í þessum mánuði.
Athugasemdir