Lengjubikarinn er í fullum gangi og er nú öllum leikjun nema einum lokið í dag. Hér má sjá úrslitin úr leik Kórdrengja og Víðis annars vegar og leik Afríku og Berserkja hins vegar.

Kórdrengir mættu Víði í 3. umferð riðils 1 í B-deildinni og kom Aron Skúli Kórdregjum í 2-0. Reynsluboltinn Hólmar Örn Rúnarsson minnkaði muninn áður en Albert Brynjar Ingason innsiglaði sigurinn með marki úr vítaspyrnu.

Kórdrengir eru með níu stig eftir þrjár umferðir. Markatalan er 20-2. Víðir er með fjögur stig í fjórða sæti. Njarðvík getur jafnað Kórdrengi að stigum með sigri í næsta leik.

Berserkir unnu þá 1-3 sigur á Afríku. Berserkir komust í 0-3 áður en Afríka minnkaði muninn. Liðin leika í riðli 3 og var þetta fyrsti leikur riðilsins.