Liverpool 0 - 1 Fulham
0-1 Mario Lemina ('45 )
Annar leikur dagsins í ensku úrvalsdeildinni var viðureign Liverpool og Fulham á Anfield.
0-1 Mario Lemina ('45 )
Annar leikur dagsins í ensku úrvalsdeildinni var viðureign Liverpool og Fulham á Anfield.
Liverpool er í baráttunni í kringum Evrópusætin en Fulham er í harðri fallbaráttu og því var þetta mjög mikilvægur leikur fyrir bæði lið. Jurgen Klopp gerði alls sjö breytingar á byrjunarliði Liverpool í þessum leik.
Nýliðarnir í Fulham byrjuðu betur á Anfield í dag og voru sprækir í upphafi leiks. Ademola Lookman var allt í öllu í sóknarleik þeirra. Hann átti skot framhjá úr fínu færi snemma leiks og þá bjargaði Neco Williams frábærlega frá honum með tæklingu á elleftu stundu.
Xherdan Shaqiri var í byrjunarliði Liverpool í dag og átti hann góða aukaspyrnu af löngu færi sem fór rétt yfir mark Fulham. Annars átti Liverpool ekki mörg færi í fyrri hálfleiknum. Mohamed Salah átti líklega besta færi heimamanna en Alphonese Areola lokaði vel á hann.
Það var á 45. mínútu sem fyrsta mark leiksins kom. Fulham átti aukaspyrnu sem var skölluð í burtu en þar var Mario Lemina mættur, hirti boltann af Salah og þrumaði knettinum í fjærhornið. Snyrtilegt mark og gestirnir því 1-0 yfir þegar flautað var til leikhlés.
Liverpool mætti mjög grimmt í síðari hálfleikinn. Á 48. mínútu átti Diogo Jota hörkuskot eftir góða fyrirgjöf frá Neco Williams en Areola varði mjög vel. Liverpool hélt áfram að pressa en Fulham reyndi að beita skyndisóknum.
Á 70. mínútu átti Sadio Mane skalla í stöngina en hann kom inn sem varamaður í síðari hálfleiknum. Stuttu síðar átti Shaqiri skot rétt framhjá og áfram hélt Liverpool að banka á dyrnar.
Heimamenn reyndu allt sem þeir gátu til þess að jafna leikinn en það tókst ekki og frábær sigur Fulham því staðreynd. Þetta var sjötta tap Liverpool á Anfield í röð.
Fulham hefur nú jafnað Brighton að stigum í 17 og 18 sæti deildarinnar. Liverpool er í sjöunda sæti og afleitt gengi liðsins heldur því áfram.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 33 | 21 | 7 | 5 | 63 | 26 | +37 | 70 |
| 2 | Man City | 32 | 20 | 7 | 5 | 65 | 29 | +36 | 67 |
| 3 | Man Utd | 33 | 16 | 10 | 7 | 58 | 45 | +13 | 58 |
| 4 | Aston Villa | 33 | 17 | 7 | 9 | 47 | 41 | +6 | 58 |
| 5 | Liverpool | 33 | 16 | 7 | 10 | 54 | 43 | +11 | 55 |
| 6 | Chelsea | 33 | 13 | 9 | 11 | 53 | 42 | +11 | 48 |
| 7 | Brentford | 33 | 13 | 9 | 11 | 48 | 44 | +4 | 48 |
| 8 | Bournemouth | 33 | 11 | 15 | 7 | 50 | 50 | 0 | 48 |
| 9 | Brighton | 33 | 12 | 11 | 10 | 45 | 39 | +6 | 47 |
| 10 | Everton | 33 | 13 | 8 | 12 | 40 | 39 | +1 | 47 |
| 11 | Sunderland | 33 | 12 | 10 | 11 | 36 | 40 | -4 | 46 |
| 12 | Fulham | 33 | 13 | 6 | 14 | 43 | 46 | -3 | 45 |
| 13 | Crystal Palace | 32 | 11 | 10 | 11 | 35 | 36 | -1 | 43 |
| 14 | Newcastle | 33 | 12 | 6 | 15 | 46 | 49 | -3 | 42 |
| 15 | Leeds | 33 | 9 | 12 | 12 | 42 | 49 | -7 | 39 |
| 16 | Nott. Forest | 33 | 9 | 9 | 15 | 36 | 45 | -9 | 36 |
| 17 | West Ham | 33 | 8 | 9 | 16 | 40 | 57 | -17 | 33 |
| 18 | Tottenham | 33 | 7 | 10 | 16 | 42 | 53 | -11 | 31 |
| 19 | Burnley | 33 | 4 | 8 | 21 | 34 | 67 | -33 | 20 |
| 20 | Wolves | 33 | 3 | 8 | 22 | 24 | 61 | -37 | 17 |
