Bruno Fernandes (24), miðjumaður Sporting Lissabon, færist nær Manchester City en Sporting vill fá milli 50 og 60 milljónir punda fyrir hann. (Sky Sports)

Hollenski miðvörðurinn Matthijs de Ligt (19) hjá Ajax hefur hafnað því að fara til Manchester United fyrir 60 milljónir punda. (Star)

Franski miðjumaðurinn Paul Pogba (26) vill fara til Real Madrid í sumar en til að sá draumur rætist þarf Manchester United að lækka 160 milljóna punda verðmiða sinn. (Telegraph)

Pogba mun þrýsta á sölu ef United neitar að selja hann. (ESPN)

Jurgen Klopp, stjóri Liverpool, hefur blandað sér í baráttuna um brasilíska sóknarleikmanninn David Neres (22) hjá Ajax. Talið er að hann kosti um 35 milljónir punda. (Sun)

Tottenham og Everton hafa áhuga á argentínska miðverðinum Giovani Lo Celso (23) hjá Real Betis. (Sun)

Gareth Bale (29) fékk að vita það á fundi með Zinedine Zidane að hann er ekki í framtíðaráætlunum Real Madrid. Bale vill samt vera áfram hjá félaginu. (Mail)

Carlo Ancelotti, fyrrum stjóri Chelsea og núverandi stjóri Napoli, hefur ýjað að því að hann gæti keypt mexíkóska landsliðsmanninn Hirving Lozano (23) til ítalska félagsins. Lozano hefur verið orðaður við Manchester United. (Calciomercato)

Ancelotti neitar að útiloka tilboð í Kieran Trippier (28), varnarmann Tottenham. Eiginkona Trippier er sögð hafa verið að skoða skóla í Napoli. (TalkSport)

Napoli vill einnig fá spænska sóknarleikmanninn Ayoze Perez (25) frá Newcastle. (Northern Echo)

Franski vængmaðurinn Anthony Martial (23) þarf að sannfæra Ole Gunnar Solskjær um að hann eigi sér framtíð hjá Manchester United. (Mail)

Solskjær er tilbúinn að hlusta á tilboð í Martial vegna slæms viðhorfs leikmannsins á æfingum. (Sun)

Arsene Wenger (69), fyrrum stjóri Arsenal, hefur hafnað Fulham í annað sinn. (Mail)

Antonio Conte, fyrrum stjóri Chelsea, segir 60% líkur á því að hann þjálfi í ítölsku A-deildinni á næsta tímabili. (Le lene)

Leicester vill fá austurríska varnarmanninn Christian Fuchs (33) til að skrifa undir nýjan eins árs samning. Samningur Fuchs rennur út í sumar. (Leicester Mercury)

Ryan Fraser (25), vængmaður Bournemouth og Skotlands, er tilbúinn að hlusta á tilboð frá öðrum félögum. Arsenal, Tottenham, Chelsea og Newcastle hafa áhuga. (Mail)

Brighton vill fá Reece James (19), bakvörðinn hjá Chelsea sem hefur verið á láni hjá Wigan á tímabilinu. (Argus)

Newcastle United hefur verið að fylgjast með enska miðjumanninum Tom Bayliss (20) hjá Coventry. (Chronicle)

Pólski markvörðurinn Marcin Bulka (19) er á leið frá Chelsea í sumar og mun gera samkomulag við Paris St-Germain. (Goal.com)

Gary Cahill (33), fyrrum varnarmaður Englands, segist enn geta spilað í fremstu röð. Hann yfirgefur Chelsea í sumar. (TalkSport)

Enski varnarmaðurinn Michael Hector (26) vill vera áfram hjá Sheffield Wednesday á næsta tímabili. Hann lék með miðvikudagsliðinu á lánssamningi frá Chelsea á þessu tímabili. (The Star)