KSÍ hefur opinberað leikdaga fyrir Pepsi Max-deildina í sumar á vefsíðu sinni. Fréttamannafundur hefst klukkan 13:15 þar sem farið verður yfir leikjaplan sumarsins.

Leikjunum í 1. umferðinni verður dreift á mismunandi tímasetningar dagana 13-15. júní og þeir verða allir í beinni útsendingu á Stöð 2 Sport. Valur og KR mætast í opnunarleik laugardaginn 13. júní á Hlíðarenda.

Lokaumferðin fer fram laugardaginn 31. október en aldrei hefur verið spilað jafn lengi fram á haust í deildinni. Ástæðan er frestun á deildinni vegna kórónaveirunnar. Þetta leikjaplan gæti þó breyst ef Evrópukeppnin færist til.