Það eru liðin 26 ár upp á dag síðan Everton bjargaði sér frá falli úr ensku úrvalsdeildinni með sögulegum endurkomusigri gegn Wimbledon.
Liðin áttust við í lokaumferð úrvalsdeildartímabilsins 1993-94 og þurfti Everton sigur til að tryggja sæti sitt í deildinni.
Mikil spenna var fyrir lokaumferðina þetta árið. Stuðningsmenn Everton kveiktu meðal annars í liðsrútu Wimbledon kvöldið fyrir leikinn í tilraun til að hræða andstæðingana.
Sú taktík virtist ekki virka til að byrja með því gestirnir frá Wimbledon komust í tveggja marka forystu með marki úr vítaspyrnu og sjálfsmarki.
Fljótt skipast veður í lofti og náðu heimamenn að koma til baka, þökk sé tvennu frá Graham Stuart. Gestirnir komust þó oft nálægt því að bæta við marki eins og er hægt að sjá á myndbandinu sem er hér fyrir neðan.
Mælt er sérstaklega með marki Barry Horne á sjöttu mínútu myndbandsins.
Til gamans má geta að þegar uppi var staðið hefði jafntefli nægt Everton til að halda sér uppi. Sheffield United endaði á að falla, ásamt Swindon Town og Oldham Athletic sem hafa ekki komist aftur upp síðan.
#OTD 1994 Everton 3-2 Wimbledon. Goals from Graham Stuart(2) & Barry Horne.
— Bluekipper.com (@bluekippercom) May 7, 2020
Two nil down
Limpar’s tumble 😉
No Park End
Fans on the pitch.
Where you at Goodison?#EFC #COYB #UTFT #OTD
pic.twitter.com/MDdeDgIfol
Athugasemdir