Guðlaugur Victor var eins og vanalega í byrjunarliði Darmstad og spilaði allan leikinn en hann nældi sér í gult spjald á 16. mínútu.

Hann hefur verið að spila feykivel með liðinu undanfarið en það hefur aðeins tapað einum af síðustu níu leikjum liðsins.

Darmstadt er að enda tímabilið afar vel en liðið á aðeins tvo leiki eftir og er í baráttu um 6. sæti deildarinnar.

Liðið er sem stendur í 9. sæti með 45 stig, þremur stigum á eftir Heidenheim sem er í 6. sætinu.